venres, 31 de xaneiro de 2020
sábado, 16 de novembro de 2019
Vigo Recicla co Dinoseto
Esta semana os alunmos/as de 3º e 4º de primaria recibimos a visita do Dinoseto e do
Dinosetiño, os cales nos ensinaron a importancia da reciclaxe. Ademais , tamén nos deron uns agasallos moi fermosos. Moitas grazas pola visita!!
xoves, 14 de novembro de 2019
Obradoiro "EcoPercusión"
O alumnado de sexto de Primaria asistiu a un obradoiro de percusión con instrumentos feitos de materiais reciclados e produtos de refugallo, como cubos de plástico, bidóns de plástico e baquetas de madeira. Este taller foi impartido por Didier Díaz Madan, instrumentista de percusión profesional cunha longa experiencia na formación en percusión. A ecopercusión é unha ferramenta socioeducativa que permite traballar a creatividade e aprender unha serie de ritmos como pode ser a batucada (un ritmo brasileiro de influencias africanas) ou outros moi diversos.
luns, 28 de outubro de 2019
Visita "O tesouro das Cíes"
Reportaxe fotográfica documental da participación do alumnado de 5º e 6º EP do CEIP Coutada Beade na actividade O Tesouro das Illas Cíes da Concellería de Educación do Concello de Vigo.
venres, 27 de setembro de 2019
Xadrez na escola
Ao longo deste curso o alumnado de Primaria vai ir iniciándose pouco a pouco no dominio do xadrez. Faráse de maneira transversal e interdisciplinar como con robótica e programación. Aquí vemos unha mostra deste deporte en 6º de Primaria.
Primeiros pasos coa Robótica
Os alumnos e alumnas de Infantil e sexto de Primaria iniciáronse na práctica da programación secuencial grazas a un robot chamado Doc. Foi todo un éxito!
luns, 23 de setembro de 2019
Proxectos curso 2019-20
Benvid@s de novo un curso máis a esta revista dixital. O noso centro participa este curso en numerosos proxectos entre os que se atopan o noso Proxecto Documental Integrado (PDI) sobre a cidade de Vigo. Tamén traballaremos cun proxecto de innovación educativa sobre a Programación e a Robótica que iremos implantando ao longo do curso. E por último introduciremos o Xadrez na escola para iniciar ao alumnado neste deporte tan bo para a mente.
